هقدر أتغير

هأقـــــــــــدر أتغيـــــــــر
كل ما أقول هأقدر أتغير
وأشطب كل ملامح يأسي وأعبر
وأرفض أخطائي ومن نفسي التايهه أتحرر
واصرخ تاني بعلو الصوت وأتذمر
وأهزم ضعفي وألحق وقتي وأحس وأفكر
وأمحي قيـــــــــــود الظلم وأكسر
وأتحدي الكداب واللص وكل منافق كل مزور

كل ما أقول ...هأقدر أتغير
أنزل بعد ده كله لسابع أرض حزين متكسر
أرجع تاني لنفس النقطه ذليل متدمر
هأفضل أضحك ليه علي نفسي
وأقول أنا نفسي أعيش متيسر
عمره ماغير حد كلام ..عمره ما
خلق الصمت سلام عمره ما أثر
وأرجع أضحك تاني وأقول ما أنا
بردوه مسير يبقي إذاي هأقدر أتغير

وأفضل أدور في الدايره وأدور
علي حاجه تشجعني أتغير
وألاقيني مش قادر وسط العتمه ويأسي أتصور
إن ف ظل حكومه تهد جبال أتغير
ده أنا باحمد ربي إني لحد الآن بأتأثر
وأرجع أتوه من تاني وأدور
وأسأل نفسي هي الدنيا اللي غريبه
وغداره ولا الإنسان اللي استهتر
ولا السلطان اللي رغيف العيش
في الناس اســـــــــتخســـــــــر
حتي معاني الفرحه حتي الصرخه
ورفع الصوت فيهم مستكتر

نصرخ نشكي له ونتوجع
وودانــه من طيــــــــن متحجر
علي كرسيه العال إتربع إذاي ع المساكين هيدور
عليي والمال والجاه خلوه اتكبر
خلوه يمسى الناس الفقرا
والسلطه علي فكره تسيطر
أصرخ أقول كل اللي ف نفسي
وإن شاالله يقولوا ده اتهور

ضيع نفسه في شربة ميه عشان يتغير
فكر تاني ناوي تضحي في يوم وتغامر
ولا تعيش علي هامش الدنيا مكبر
مهما تأجل ولا تماطل لازم يجي أوان وتقرر
سايب ليه نفسك ف ايدين قاسيه بتتجبر
أنسان ظالم أو متآمر من خوفه رافض يتحرر

ويقولك دي سياسه ياخال
ونبقي سنين علي نفس الحال
نسمع غنيوه وموال ولاهتقدم ولا هتأخر
كل كلامهم سم مرار متغطي بسكر
كل خطأ ليهم يتبرر
وكلامنا وأحلام الفقرا تضيع تتبخر
ومعاهم ف الوحل أتجرجر
وأنهار من تاني وأرجع يازماني ولاطفل صغير

تتخيلوا ممكن نتغير.........؟
مش متأكد..ولا متفائل..ولاأتصور
حكام قاعده تكسر ف طموحنا وبتدمر
أحمد ربي إني بعقلي لحد الآن وبأفكر
وإني مكمل عايش وإن باقي لي مكان متسور
أيوه أنا عايش ..عايش مستسلم وجبان
كانوا عملوا أيه الشجعان
جابوا رغيف العيش لجعان
فضلوا يقولوا يعيدوا يزيدوا
واللي يحلل..... واللي يفسر
والأحوال يا ابني بتتدهور

والحكام بتفاؤل يخنق تطلع تتكلم تتصور
وبلادنا الحلوه المنسيه ف الألفيه التالته تفكر
تلغي الدعم ولاتشيل الشاي والسكر
دنيا بتتكلم ف النووي وإحنا نقول الشاي والسكر
حتي الشاي طب وهأعمر راسي إذاي
ف الوقت الراهن يا مواطن
صعب لشئ ف إيدينا يعمر
صعب نصلح ولا نطور
لا مدارس ولا شارع نرصف وانشاالله دمكوا يتعكر
ما إنتوا كتير لو نوبه تاخدكوا
تلاقونـــــا ف البنا بنفكر

ولانحتاج نستورد قمح يمكن بعد رحيلكوا نصدر
بعد الشعر ده كله ضاع النوم وهأقوم متأخر
وأتجازا ف الشغل وراتبي آخر الشهر أكيد هيقصر
اسكت يالساني إوعي تفسرالراتب تاني هيتأثر
قاعد تتفلسف يافقير ناوي بأشعارك تتمنظر
شعرك مش هيسد الجوع ولايقدر
يسعد أطفالك ولايعرف مره يعشي ولا يفطر
كبر دلوقتي ومن أول بكره خلاص ..أنا هاصبر
علي أخطائي وأخطاء وطني ولما يحين الوقت أتغير
لازم بعد ظلام الليل الشمس تنور
شمس!!!!!!!والله أنا خايف يوم تتخصخص

للدرجه دي الخوف نساني دي حكومة بورصه
بتتعامل باللون الأحمر والأخضر
والشموسه كده محروسه بلونها الأصفر
وإن خصخصوا نسبتنا ف الشمس أكيده
الا أن أخدوا الجزء الأكبر
وساعتها يورونا نجوم الليل وف عز الظهر
يادي القهر.................

كل ده علشان قلت أتغير
مش يااخوالنا دي حاجه تحير
حاجه تخلي أي طموح صامد يتكسر
مــــــــش هأتغـــــــــير

فـــــــــضــــــفــــــــضــــــــة شــــــــا عــــــــــــر ه

شكرا للمشرفة
فضفضة شاعره
على موضوعها المميز نتمنى المزيد من مثل هذا الموضوع
مدير منتدى همسة حب يتمنى لكى النجاح فى أعمال القادمة
وان تمتعينا بمثل هذه المدونات والخواطر

يجب على الأعضاء والزوار أن يكتبوا رد على المواضيع
وتشجيع الأعضاء
ليقوموا بالرد على مواضيعك
لا تقرأ وترحل